ليه هدفك مش مستحيل؟

كتير جدا بنحبط بسبب الفجوة بين اللي بنحلم بيه و بين الواقع .. بين حياة و نمط حياة نفسنا نعيشه ، مواهب نفسنا ننميها أو حاجة محتاجين نشتغل عليها .. و بين الواقع اللي مش بيتيح ده لينا ..

ف يجي افكار الاكتئاب و العدمية تنهش ف عقولنا … لازمتها ايه الحياة لو هنموت فارغين من احلامنا … !!
و دي حقيقة .. دائما في مفارقة بين خيالنا و الواقع .. و اللي مش بيكون واعي للمفارقة دي .. بيكون معرض لأضطرابات نفسية ويمكن ذهانية !

طب اتعامل ازاي مع الوضع ده .. انا رافض اكمل كده
😥😥؟ ، و هنا هترجى منك تكمل البوست للاخر ..

محتاج تتقبل الفقد للي نفسك تحققه .. و تيأس من مقاوحتك ف أنه يتحقق .. دلوقتي ..
دلوقتي دي الكلمة الأهم .

محتاج تقبل أن الوقت ده الدايت اللي متاح معاك بالميزانية بتاعتك ممكن ميكونش مناسب لظروفك الصحية .. ممكن تفقد جزء من صحتك و عافيتك ..
بس ده دلوقتي ..الفترة دي ..
محتاج تقبل أن خروجات كتيرة هتبقى من غيرك لان مش معاك فلوس .. انك تروح تخرج و تصرف .. و عندك أولوية تاني لأكلك مثلا .. .. بس دلوقتي .. الفترة دي
محتاج تقبل أن هوايتك اللي بتحبها .. و بتنعشك .. هتقعد وقت متمارسهاش … لأنها مكلفة وقت أو فلوس ..
بس ده دلوقتي الفترة دي ..انت محتاج تقبل ده قصاااد ..حاجات متاحة ف ايدك دلوقتي ..

ممكن تكون نت و محتوى مجاني يعلمك حاجة معينة .. وقت فاضي .. إمكانية شخصية و مهارة معينة جايز مش شغوف بيها .. بس ينفع تجيب منها فلوس لأنها الأكثر اتقانا من المهارة اللي حاببها بس مش ف ايدك تتقنها دلوقتي ..، ممكن اللي بتملكه يكون علاقات ..

ممكن يكون دخل بسيط كل شهر تستثمره في وقت قصير ف كورسات محتاجها ، أو أدوات ..

ممكن تكون المايا و الليمون حاجة متاحة لصحتك دلوقتي ..تشربها على الريق ، انا بعمل ده .. 🩷
ممكن البيض المتاح في الفطار تأكله بعيش بسيط
مأكلتش ب دايت مثالي اه .. بس منعت أو قللت اللي هيضرك على الأقل ! ..

انت محتاج جدا تعرف ايه شكل الحياة اللي نفسك تعيشه و بتبتهج لما بتفكر فيه .. و تصممه و تكتبه و تحفره جواك .. بس بعد كده ..
في ورقة و قلم تعمل تحديد للإمكانيات المتاحة دلوقتي أو الفترة الحالية في ورقة و قلم .. و في نفس الوقت تحديد اللي مهم لينا و فارقلنا بس مش متاح دلوقتي .. هتخلينا عارفين احنا واقفين فين .. من الحياة اللي نفسنا نعيشها ..
علشان شوفاننا للموجود و المتاح و تخطيطي كويس لأستغلاله بكفاءة … قصاد قبولنا للمفقود الوقت الحالي و قبولنا للألم من ورا الحرمان أو الاحتياج الغير مسدد ..
هيولد جوانا momentum وهيدفعنا برؤية هادفة ..
هيحسسنا أن حياتنا مش هتفضل كده .

في النهاية .. خدوا الحياة بتوجه التجربة ..
واهم حاجة متعة الرحلة أو مشقتها متنسيش جواك الواجهة و الهدف ..